ОПМ Организација на потрошувачите на Македонија
На ден 16.12.2021 год. во Хотел Еуро Хотел Гратче се одржа работилница во рамките на „Потрошувачите за одржливост – институционализирање на дијалогот за локалните политики и услугите на граѓанското општество кон општините и бизнисот“.
На работилницата присуствуваа петнаесет учесници и тоа: претставници на Општина Кочани, Јавното комунално претпријатие од Кочани, Агенција за храна и ветеринарство, предучилишни установи од Кочани, Комората на мал бизнис, бизнис секторот и граѓански здруженија.
На средбата претставниците на општина Кочани се изјаснија дека ќе помогнат на Организација на потрошувачи Кочани да соодветна просторија за работа, а исто така се спремни да покренат иницијатива за формирање на Совет за заштита на потрошувачи на Општина Кочани и носење на соодветна Програма.
Како и во изминатите години Општина Кочани ќе одвои и финансиски средства за поддршка на здруженијата на потрошувачи.
