ОПМ Организација на потрошувачите на Македонија
Организацијата на потрошувачите на Македонија за спроведување на својата цел „едукација и подигање на јавната свест кај потрошувачите“, изврши обука/предавање во средното училиште Браќа Миладиновци, во присуство и на ученици од средното училиште Раде Јовчевски Корчагин.
Се обработија 3 теми: „Основните потрошувачки права“, „Internet of things“ И „Дигитални Права“.
Настанот од страна на учениците и професорите беше солидно оценет и зачинет со дискусија, голем број на прашања и коментари од страна на учениците и професорите.
Целта на овој тренинг беше запознавање на потрошувачите со своите потрошувачки права уште од најраната возраст, да се дејствува превентивно и да се запознаат учениците со проблемите кои ги имаат потрошувачите кои постојано вршат трансакции на пазарот, а особено преку интерт.
Организацијата на потрошувачите на Македонија е отворена за соработка и со другите основни и средни училишта на територија на Град Скопје.
