360 степени: „Како во Македонија влегол производот кој ветува дека ослободува од болката во зглобовите за 4 дена?“

Емисијата „360 степени“ која се емитува на телевизијата Алсат-М, сними емисија во која се истражува купувањето преку интернет од сомнителни веб-продавници во Македонија. Дел од оваа емисија е и претседателката на ОПМ, Маријана Лончар Велкова, која го пренесе искуството на ОПМ на оваа тема.

Организацијата на потрошувачите на оваа тема има изработено поголем број на информативни материјали, од кои ги одвојуваме брошурите: „Права на потрошувачите при купување на далечина“, „Договори склучени вон деловните простории на трговецот“ и новоиздадената „Топ 10 начини како да бидете безбедни онлајн како потрошувач“.